Guide
Evalyasyon laplikasyon
Kimannyer en laplikasyon i ganny evalye
Rezime
Prosesis laplikasyon planifikasyon i enplik en revizyon sistematik par diferan lorganizasyon referans, dapre ki kalite propozisyon devlopman ki’n ganny soumet. laplikasyon i ganny sirkile parmi bann lorganizasyon ki annan kopetans e responsabilite relevan pour evalye ek donn zot kontribisyon, me pa tou aplikasyon ki bezwen kontribisyon depi sak lorganizasyon.
Prosesis laplikasyon planifikasyon
Dapre ki kalite propozisyon devlopman, bann aplikasyon i ganny sirkile kot bann lorganizasyon referans pour zot evalye ek donn kontribisyon baze lo zot domenn konpetans. Pa tou kalite aplikasyon ki ganny sirkile kot bann lorganizasyon referans. Par egzanp, en aplikasyon pour en miray soutenab i ganny sirkile kot Seksyon Enzenyer pour evalyasyon me pa kot Lotorite Lasante Piblik. Sepandan, bann lorganizasyon referans tel ki Departman Lanvironnman, Unit Devlopman ek Planifikasyon Polisi, ek Minister Gouvernman Lokal i resevwar tou aplikasyon planifikasyon ki’n ganny soumet pour rezon legal, sirveyans, ouswa konesans kominoter. Diagram anba i en ilistrasyon prosesis pour konsider en aplikasyon.
Bann stati desizyon
Bann diferan kalite desizyon ki Komite ek Board Lotorite Planifikasyon i pran i varye e i koumsa;
Approved
Sa i konsidere konman en desizyon final, kot permisyon pour konmans lenplimantasyon devlopman i ganny donnen formelman avek bann kondisyon.
Refused
Sa i konsidere konman en desizyon final avek rezon pour refize, kot en lapel i kapab ganny fer avek Board Rapel Lotorite Planifikasyon.
Approved in principle
Menm si pa en desizyon final, sa desizyon i ganny pran ler propozisyon i ganny konsidere pour premye fwa e zeneralman i ganny trouve konman akseptab. Me, bann komanter sorti kot bann lorganizasyon referans pa ankor ganny resevwar. Sa laprouvasyon an prensip i kapab sanze apre ki bann komanter neseser in ganny resevwar. I osi en desizyon ki ganny donnen ler propozisyon devlopman i zeneralman akseptab me i bezwen annan bann pti revizyon dan bann plan, ki ganny soumet ankor par sa Azan.
Deferred
Sa pa en desizyon final, me plito en stati ki ganny donnen pour aplikasyon ler feedback sorti kot bann lorganizasyon referans pe esper ganny resevwar.
Withdrawn
Sa pa en desizyon final e i ganny fer lo demann bann azan oubyen devloper ler bann aplikasyon i ganny ranplase par soumisyon en lot propozisyon devlopman, ki'n ganny demande par propriyeter/devloper.
Bann aplikasyon i osi ganny retire otomatikman apre ki peryod 6 semenn in ekspire, ler bann azan pa re-soumet, amande, oubyen fourni lenformasyon adisyonnel ki'n ganny demande par Lotorite Planifikasyon. Enn fwa ki i'n ganny retire, bann aplikasyon i kapab ganny re-enkli, depi ki en fre pour re-enkli i ganny peye.
Resubmission
Term ‘Resubmission’ i ganny servi ler bann azan i ganny demande pour soumet en revizyon pour rezourd serten problenm, ki apre i ranplas bann plan ki ti'n ganny soumet orizinalman.